പത്തനംതിട്ട : കഴിഞ്ഞ രാത്രി മുതൽ പെയ്യുന്ന ശക്തമായ മഴയിൽ ജില്ലയിൽ പലയിടത്തും വെള്ളം കയറി. തൂമ്പാക്കുളം കോതകത്ത് ഉരുൾ പൊട്ടിയതായി സംശയമുണ്ട്. നാശനഷ്ടം ഉണ്ടായതായി വിവരമില്ല. കോന്നി നെല്ലിക്കാ പാറയിൽ മണ്ണിടിച്ചിൽ ഉണ്ടായി. പമ്പാനദിയിലും കക്കാട്ടാറിലും ജലനിരപ്പ് ക്രമാതീതമായി ഉയർന്നു.
വടശേരിക്കര, റാന്നി, സീതത്തോട് എന്നിവിടങ്ങളിൽ വെള്ളക്കെട്ടാണ്. റാന്നി ഇടിയപ്പാറയിൽ വ്യാപാര സ്ഥാപനങ്ങളിൽ വെള്ളം കയറി. ജില്ലയിൽ മഴ ശക്തമാകുന്ന സാഹചര്യത്തിൽ കലക്ടറേറ്റിലെ ദുരന്ത നിവാരണ വിഭാഗവും പൊലിസും ചേർന്ന് കൺട്രോൾ റൂം തുറന്നു. മഴക്കെടുതിയുമായി ബന്ധപ്പെട്ട വിവരങ്ങൾ നൽകാൻ പൊതു ജനങ്ങൾക്ക് 949796 0963, 9497908045 എന്നി നമ്പരുകളിൽ ബന്ധപ്പെടാവുന്നതാണ്
