കോട്ടയം: കോട്ടയം കെഎസ്ആർടിസി സ്റ്റാൻഡിൽ ബസിനു മുന്നിലൂടെ നടന്ന യാത്രക്കാരനെ ബസിടിച്ചു ഗുരുതരപരിക്കേറ്റു. യാത്രക്കാരനായ കൊല്ലം സ്വദേശി വിഷ്ണു (36) ആണ് പരുക്കേറ്റത്. ഇന്നു രാവിലെ 11.20 ഓടെയായിരുന്നു അപകടം.
കോട്ടയം സ്റ്റാൻഡിനുള്ളിൽ ബസിനു മുന്നിലൂടെ നടന്ന യാത്രക്കാരനെ മുന്നോട്ടെടുത്ത കെഎസ്ആർടിസി ബസ് ഇടിയ്ക്കുകയായിരുന്നു. ഇടിയുടെ ആഘാതത്തിൽ താഴെ വീണ യാത്രക്കാരനെ കെ എസ് ആർടിസി ജീവനക്കാരും സമീപത്തെ ഓട്ടോ തൊഴിലാളികളും ചേർന്ന് ജില്ലാ ജനറൽ ആശുപത്രിയിൽ പ്രവേശിപ്പിച്ചു. പിന്നീട് കോട്ടയം മെഡിക്കൽ കോളേജ് ആശുപത്രിയിലേയ്ക്കു മാറ്റി.
){kind=link}