ബംഗളുരു : ബിജെപി നേതാവ് നൽകിയ മാനനഷ്ടക്കേസിൽ രാഹുൽ ഗാന്ധിക്ക് ജാമ്യം. ബെംഗളൂരു സിവിൽ സെഷൻസ് കോടതിയാണ് ജാമ്യം അനുവദിച്ചത്. രാഹുല്‍ കോടതിയില്‍ നേരിട്ട് ഹാജരാകാനെത്തി.
2023ലെ കർണാടക നിയമസഭാ തിരഞ്ഞെടുപ്പിന് മുൻപ് ബി.ജെ.പി. സർക്കാർ 40 ശതമാനം കമ്മിഷൻ വാങ്ങുന്ന സർക്കാരാണെന്നാരോപിച്ചു മുഖ്യധാരാ മാധ്യമങ്ങളിൽ കോൺഗ്രസിന്റെ പരസ്യം വന്നതിനെതിരെയാണ് കേസ്. പരസ്യം ബി.ജെ.പി. നേതാക്കൾക്ക് അപകീര്‍ത്തി ഉണ്ടാക്കിയെന്ന് ആരോപിച്ച് ബി.ജെ.പി. സംസ്ഥാന ജനറൽ സെക്രട്ടറി കേശവ പ്രസാദാണ് ഹർജി നൽകിയത്.കേസിൽ പ്രതികളായ സിദ്ധരാമയ്യക്കും ഡി.കെ. ശിവകുമാറിനും കോടതി ജാമ്യം അനുവദിച്ചിരുന്നു .ജൂലായ് 30-ന് കേസ് വീണ്ടും പരിഗണിക്കും
