കോഴിക്കോട് : ഷിരൂരിൽ മണ്ണിടിച്ചിലിൽ മരിച്ച അർജുന്റെ മൃതദേഹം കണ്ണാടിക്കലെ വീട്ടിലെത്തി.അർജുന് ആദരാഞ്ജലി അർപ്പിക്കാൻ നൂറുകണക്കിനു പേർ വീട്ടിലേക്കെത്തുകയാണ്.11 മണിക്കാണ് വീട്ടുവളപ്പിൽ സംസ്കാരം നടക്കുന്നത് .
ഇന്നലെ വൈകിട്ട് 7.15ന് കാർവാറിലെ ആശുപത്രിയിൽനിന്ന് മൃതദേഹവും വഹിച്ച് ആംബുലൻസ് കോഴിക്കോട്ടേയ്ക്ക് പുറപ്പെട്ടിരുന്നു.രാവിലെ ജില്ലാ അതിർത്തിയായ അഴിയൂരിൽ മന്ത്രി എകെ ശശീന്ദ്രനും കോഴിക്കോട് ജില്ലാ കളക്ടറും അടക്കമുള്ളവർ സംസ്ഥാന സർക്കാരിന് വേണ്ടി മൃതദേഹം ഏറ്റുവാങ്ങി.7.30 ഓടെ പൂളാടിക്കുന്നിൽ നിന്ന് തുടങ്ങിയ വിലാപയാത്ര 8.30 ഓടെ കണ്ണാടിക്കലിൽ എത്തി.കാർവാർ എംഎൽഎ സതീഷ് കൃഷ്ണ സെയിൽ ,മഞ്ചേശ്വരം എംഎൽഎ എ.കെ.എം അഷ്റഫ് ,ഷിരൂരിലെ മുങ്ങൽ വിദഗ്ധൻ ഈശ്വർ മാൽപേ തുടണ്ടിയവർ വിലാപയാത്രയെ അനുഗമിച്ചിരുന്നു.
