കൊച്ചി : പെരിയ ഇരട്ടക്കൊല കേസില് പത്ത് പ്രതികള്ക്ക് ഇരട്ട ജീവപര്യന്തം ശിക്ഷ .മുൻ എംഎൽഎ കെ.വി കുഞ്ഞിരാമൻ അടക്കം നാല് പ്രതികൾക്ക് അഞ്ച് വർഷം തടവും എറണാകുളം സിബിഐ പ്രത്യേക കോടതി വിധിച്ചു. കൊലപാതകത്തിൽ നേരിട്ടു പങ്കെടുത്ത1 മുതൽ 8 വരെയുള്ള പ്രതികൾക്കും 10, 15 പ്രതികൾക്കുമാണു ഇരട്ട ജീവപര്യന്തം തടവുശിക്ഷ വിധിച്ചത്. 14, 20, 21, 22 പ്രതികൾക്കാണ് 5 വർഷം തടവ് ശിക്ഷ. തെളിവു നശിപ്പിക്കലും പ്രതികളെ സഹായിക്കലുമാണ് ഇവർക്കെതിരായ കുറ്റങ്ങൾ.
2019 ഫെബ്രുവരി 17 നു രാത്രിയാണ് കാസർകോട് പെരിയയിലെ യൂത്ത് കോൺഗ്രസ് പ്രവർത്തകരായ കല്യോട്ടെ കൃപേഷ്, ശരത്ലാൽ എന്നിവർ കൊല്ലപ്പെട്ടത്.വിചാരണ നേരിട്ട 24 പ്രതികളിൽ 14 പേർ കുറ്റം ചെയ്തതായി സിബിഐ കോടതി കണ്ടെത്തിയിരുന്നു.
