ആലപ്പുഴ ബൈപ്പാസിന്റെ നിര്‍മാണത്തിലിരുന്ന മേൽപ്പാലത്തിന്റെ ഗര്‍ഡറുകള്‍ തകര്‍ന്നുവീണു

ആലപ്പുഴ : ആലപ്പുഴ ബൈപ്പാസിന്റെ ബീച്ച് ഭാഗത്തെ നിര്‍മാണത്തിലിരുന്ന മേൽപ്പാലത്തിന്റെ ഗര്‍ഡറുകള്‍ തകര്‍ന്നുവീണു. ബീച്ചിനോട് ചേർന്നുള്ള വിജയാ പാർക്കിനു സമീപമുള്ള നാല് ഗര്‍ഡറുകളാണ് നിലംപതിച്ചത്. രാവിലെ 11മണിയോടെയാണ് തൊഴിലാളികൾ താമസിക്കുന്ന ഷെഡിനു മുകളിലേക്ക് ഗര്‍ഡറുകള്‍ തകര്‍ന്നുവീണത്. സംഭവത്തില്‍ ആളപായമില്ല.