തിരുവല്ല: കുറ്റൂർ എക്സ് സർവ്വീസ്മെൻ കോ- ഓർഡിനേഷൻ കമ്മിറ്റി & മഹിളാവിംഗിന്റെ നേതൃത്വത്തിൽ വാർഷികാഘോഷവും കുടുംബസംഗമവും നടന്നു. കുറ്റൂർ യൂണിറ്റ് പ്രസിഡൻറ് എൻ സുധാകരന്റെ അദ്ധ്യക്ഷതയിൽ കൂടിയ യോഗത്തിൽ കുറ്റൂർ ഗ്രാമപഞ്ചായത്ത് പ്രസിഡൻറ് അനുരാധ സുരേഷ് ഉദ്ഘാടനം ചെയ്തു.
ട്രഷറർ പാറുക്കുട്ടിയമ്മ, രക്ഷാധികാരി റിട്ട. കമാൻഡർ ശ്രീകുമാർ, ഫാ. ജെയിംസ് പട്ടത്തെട്ടു, വാർഡ് മെമ്പർ പ്രസന്ന കുമാർ, വ്യാപാരി വ്യവസായി കുറ്റൂർ പ്രസിഡൻറ് ജയകൃഷ്ണൻ കെ.നായർ, യൂണിറ്റ് സെക്രട്ടറി വിജയൻ കെ.ആർ, വൈസ് പ്രസി. അനിൽകുമാർ, പ്രസന്ന സതീഷ് എന്നിവർ പ്രസംഗിച്ചു.
മുതിർന്ന വിമുക്ത ഭടമാരെ പൊന്നാട അണിയിച്ച് ആദരിച്ചു. കുടുംബാംഗങ്ങളുടെ കലാപരിപാടികളും അരങ്ങേറി.
