കണ്ണൂർ : മണിപ്പൂർ കലാപക്കേസ് പ്രതിയെ തലശ്ശേരിയിൽ നിന്നും എൻഐഎ പിടികൂടി. ഇംഫാൽ സ്വദേശിയായ രാജ്കുമാർ മൈപാക്സനയെ (32) ആണ് അറസ്റ്റിലായത്. തലശ്ശേരിയിൽ ഹോട്ടൽ തൊഴിലാളിയായാണ് ഇയാൾ കഴിഞ്ഞത്.കഴിഞ്ഞ മാസമാണ് പ്രതി കേരളത്തിലെത്തിയത്.
ആരോഗ്യപ്രവത്തകരുടെ വേഷത്തിൽ മഴക്കാലരോഗങ്ങൾ തടയാനുള്ള പരിശോധനയുടെ ഭാഗമായെന്ന് പറഞ്ഞാണ് എൻഐഎ ഉദ്യോഗസ്ഥർ തൊഴിലാളികൾ താമസിക്കുന്ന ഇടത്തെത്തിയത്. കേരള പൊലീസിനെ അറിയിക്കാതെയായിരുന്നു അന്വേഷണ ഏജൻസിയുടെ നീക്കം.
ഏതാനും ദിവസങ്ങളായി രാജ്‌കുമാറിന്റെ നീക്കങ്ങൾ എൻഐഎ നിരീക്ഷിച്ചു വരികയായിരുന്നു. നിരോധിത സംഘടനയായ യുണൈറ്റഡ് നാഷണൽ ലിബറേഷൻ ഫ്രണ്ടിൽ (യുഎൻഎൽഎഫ്) നിന്നും ഇയാൾ സായുധപരിശീലനം നേടിയിട്ടുണ്ട് .ഇയാളിൽ നിന്നും വ്യാജ പാസ്പോർട്ട് പിടിച്ചെടുത്തയും വിവരമുണ്ട്.
 ആണ്){kind=link}