സ്റ്റേഷനിൽ വച്ച് കോൺ​ഗ്രസുകാർക്കൊപ്പം ജന്മദിനാഘോഷം ; ഇൻസ്പെക്ടർക്കെതിരേ റിപ്പോർട്ട്

കോഴിക്കോട് : കൊടുവള്ളി പോലീസ് സ്റ്റേഷനിൽ കോൺഗ്രസ്, യൂത്ത് കോൺഗ്രസ് നേതാക്കളുടെ നേതൃത്വത്തിൽ സിഐയുടെ ജന്മദിനാഘോഷം. കൊടുവള്ളി സിഐ കെ പി അഭിലാഷിന്‍റെ ജന്മദിനമാണ് സ്റ്റേഷനിൽ കേക്ക് മുറിച്ചാഘോഷിച്ചത് .വിഡിയോ റീൽസ് ദൃശ്യങ്ങൾ പുറത്തുവന്നതോടെ ഇൻസ്പെക്ടർക്കെതിരെ താമരശ്ശേരി ഡിവൈഎസ്‌പി റൂറൽ ജില്ലാ പോലീസ് മേധാവിക്ക്‌ റിപ്പോർട്ട് നൽകിയെന്നാണ് വിവരം. ഹാപ്പി ബർത്ത് ഡ‍േ ബോസ് എന്ന അടിക്കുറിപ്പോടെ 30നാണ് യൂത്ത് കോൺഗ്രസ് നേതാവ് വിഡിയോ പോസ്റ്റ് ചെയ്തിരിക്കുന്നത്. റിപ്പോർട്ടിന്റെ അടിസ്ഥാനത്തിൽ ഇൻസ്പെക്ടർക്കെതിരെ നടപടിയുണ്ടാകുമെന്നാണ് സൂചന.