മുണ്ടകൈ ,ചൂരൽ മല പ്രദേശങ്ങളിൽ കനത്ത മഴ : ജാഗ്രതാ നിർദേശം

വയനാട് : ഉരുൾപൊട്ടൽ ദുരന്തമുണ്ടായ വയനാട്ടിലെ മുണ്ടകൈ ,ചൂരൽ മല പ്രദേശങ്ങളിൽ കനത്ത മഴ. പുന്നപുഴയിൽ ഒഴുക്ക് ശക്തമായി. ചൊവ്വാഴ്ച രാത്രിയിലും ബുധനാഴ്ച പുലര്‍ച്ചെയും കനത്ത മഴയാണ് പ്രദേശങ്ങളില്‍ ലഭിച്ചിട്ടുള്ളത്. ബെയ്‌ലി പാലത്തിനു സമീപത്തെ റോഡിലും വെളളം കയറി. മുണ്ടക്കൈ മേഖലയിൽ വലിയ ശബ്‍ദം കേട്ടതായി നാട്ടുകാർ പറയുന്നു. പുന്നപ്പുഴയിലൂടെ മരങ്ങളും പാറക്കല്ലുകളും ഒഴുകിയെത്തി.എന്നാൽ ഉരുള്‍പൊട്ടലോ മണ്ണിടിച്ചിലോ ഉണ്ടായിട്ടില്ലെന്നും നിലവിൽ ആശങ്കപ്പെടേണ്ട സാഹചര്യമില്ലെന്നും അധികൃതർ അറിയിച്ചു.