തിരുവല്ല : മാതാ അമൃതാനന്ദമയി ദേവിയുടെ ജൻമനാളായ തൃക്കാർത്തിക ദിനമായ ഇന്ന് അമൃതാ യുവധർമ്മധാര തിരുവല്ലാ ഘടകം സംഘടിപ്പിച്ച കാരുണ്യാമൃതം പദ്ധതിക്ക് തുടക്കമായി. വയോധികരായ 72 അച്ഛനമ്മമാർക്ക് വസ്ത്രദാനവും 72 കുടുംബങ്ങൾ മരണ ശേഷം അവരുടെ ദൃഷ്ടിദാന സമ്മത പത്രിക കൈമാറുകയും ചെയ്തു.
തിരുവല്ല മഠത്തിൽ സ്വാമിനി ഭവ്യാമൃത പ്രാണായുടെ നേതൃത്വത്തിൽ ചേർന്ന യോഗത്തിൽ മുൻ നഗരസഭ ചെയർമാൻ ആർ ജയകുമാർ ഉദ്ഘാടനം നിർവ്വഹിച്ചു. വാർഡ് മെമ്പർ റീനാ വിശാൽ, ബി.ജെ പി മണ്ഡലം പ്രസിഡൻ്റ് രാജേഷ് കൃഷ്ണ, ആശ്രമം കാര്യ ദർശ്ശി പ്രേംകുമാർ തിരുമൂലപുരം എന്നിവർ പ്രസംഗിച്ചു.
നേത്രദാനത്തിൻ്റെ മഹത്വം സമൂഹത്തിലേക്ക് വ്യാപിപ്പിക്കുന്ന വിധത്തിലുളള കൗൺസിലിങ്ങ് ക്ലാസ്സുകൾ നടത്താനും പുതുതലമുറക്ക് കാരുണ്യ പദ്ധതികളോട് താൽപര്യം തോന്നുന്ന വിധത്തിൽ ക്ലാസ്സുകൾ തയ്യാറാക്കാനും യോഗത്തിൽ തീരുമാനിച്ചു
