കോഴിക്കോട് സംസ്ഥാന പാതയിൽ വിവാഹാഘോഷം ; ഗതാഗതം തടസ്സപ്പെടുത്തിയതിന് കേസ്

കോഴിക്കോട് : സംസ്ഥാന പാതയിൽ ഗതാഗതം തടസപ്പെടുത്തി പടക്കംപൊട്ടിച്ച് വിവാഹ സംഘത്തിന്റെ ആഘോഷം.ഞായറാഴ്ച രാത്രിയാണ് കോഴിക്കോട് – തലശ്ശേരി പാതയിൽ ഗതാഗതം തടസ്സപ്പെടുത്തി നടുറോഡിൽ പടക്കം പൊട്ടിച്ചത്. ഗതാഗതം സ്‌‌തംഭിപ്പിച്ച് പൊതുജനങ്ങൾക്ക് അപകടം ഉണ്ടാക്കുന്ന വിധത്തിൽ പടക്കം പൊട്ടിച്ച കണ്ടാലറിയാവുന്ന മൂന്നു പേർക്കെതിരെ പൊലീസ് കേസ് എടുത്തു. കോറോത്ത് മൊയ്തു എന്നയാളുടെ മകന്റെ വിവാഹത്തിൽ പങ്കെടുക്കാനെത്തിയ സംഘമായിരുന്നു ആഘോഷത്തിന് പിന്നിൽ.