തിരുവനന്തപുരം: നിയമസഭാ തെരഞ്ഞെടുപ്പ് പ്രചാരണത്തിന് ഇന്ന് കൊട്ടിക്കലാശം. മൂന്നാഴ്ച നീണ്ടു നിന്ന പ്രചാരണം ഇന്ന് അവസാനിക്കും. ഓരോ മണ്ഡലത്തിന്റേയും വിവിധ കേന്ദ്രങ്ങളില് ആവേശമുണ്ടാക്കാന് സ്ഥാനാര്ഥികളും നേതാക്കളും അണികളും എത്തും. അവസാന നിമിഷം വരെ തെരഞ്ഞെടുപ്പ് പ്രചാരണത്തില് ദേശീയ നേതാക്കള് സജീവമായി എന്നതാണ് ഇത്തവണത്തെ പ്രത്യേകത.
നാളെ നിശബ്ദ പ്രചാരണം ആണ്. മറ്റന്നാള് കേരളം പോളിങ് ബൂത്തിലേയ്ക്ക് നീങ്ങും. വികസനം വോട്ടാകുമെന്നും ഭരണത്തുടര്ച്ച ഉറപ്പാക്കാനാകുമെന്നുമുള്ള പ്രതീക്ഷയിലാണ് എല്ഡിഎഫ്. ഇടത് സര്ക്കാരിന്റെ പ്രോഗ്രസ് കാര്ഡ് മുഖ്യമന്ത്രി ഇന്നലെ പ്രകാശനം ചെയ്തിരുന്നു. അടിത്തറ ഇളകില്ലെന്ന ആത്മവിശ്വാസത്തിലാണ് എല്ഡിഎഫ്.
ശബരിമലയും ഭരണവിരുദ്ധ വികാരങ്ങളും അധികാരത്തിലേയ്ക്ക് തിരിച്ചെത്താന് കഴിയുമെന്ന ആത്മവിശ്വാസത്തിലാണ് യുഡിഎഫ് ക്യാംപ്. ഇക്കുറി അക്കൗണ്ട് തുറക്കാനാകുമെന്ന പൂര്ണ ആത്മവിശ്വാസത്തിലാണ് ബിജെപി പ്രവർത്തകർ.
