കേന്ദ്ര സർക്കാർ ജീവനക്കാർക്കും പെൻഷൻകാർക്കും 2% ഡിഎ വർദ്ധനവ്

ന്യൂഡൽഹി : കേന്ദ്ര സർക്കാർ ജീവനക്കാർക്കും പെൻഷൻകാർക്കും 2% ഡിഎ വർദ്ധനവിന് അനുമതി .നിലവിലുള്ള 58 ശതമാനത്തില്‍ നിന്നും ഡിഎ 60 ശതമാനമായി ഉയർത്താൻ കേന്ദ്ര മന്ത്രിസഭാ യോഗം തീരുമാനിച്ചു. ഒക്ടോബറിലാണ് ഏറ്റവും ഒടുവിലായി ഡിഎ പരിഷ്‌കരിച്ചിരുന്നത്.55 ശതമാനത്തിൽ നിന്ന് 58 ശതമാനമായിട്ടാണ് അന്ന് ഉയർത്തിയിരുന്നത്.2025 ജൂലൈ 1 മുതൽ ഇത് പ്രാബല്യത്തിൽ വരുത്തിയിരുന്നു. ഉപഭോക്തൃ വിലസൂചികയെ അടിസ്ഥാനമാക്കി സർക്കാർ ജീവനക്കാർക്കും പെൻഷൻകാർക്കും നൽകുന്ന ശമ്പളത്തിലെ ക്രമീകരണമാണ് ഡിയർനെസ് അലവൻസ് .