പ്രതിപക്ഷ നേതാവിനെതിരെ എറണാകുളം DCC-ക്ക് മുന്നിൽ ഫ്‌ളക്‌സുകൾ

കൊച്ചി : എറണാകുളം ഡിസിസി ഓഫീസിന്റെ എതിർവശത്ത് പ്രതിപക്ഷ നേതാവ് വി ഡി സതീശനെതിരെ ഫ്‌ളക്‌സുകൾ.ഡിസിസി ഓഫീസിന് തൊട്ടു മുൻവശത്തായി രണ്ട് ഫ്‌ളക്‌സുകളാണ് പ്രത്യക്ഷപ്പെട്ടിട്ടുള്ളത് .പിആർ വർക്കിന്റെ ബലത്തിൽ മുതിർന്ന നേതാക്കളെ താറടിക്കേണ്ടെന്നും മുഖ്യമന്ത്രിയാകാനുള്ള സതീശന്റെ മോഹം വിലപ്പോകില്ലെന്നുമാണ് ഒരു ഫ്ളക്സില്‍ പറയുന്നത് .തൊട്ടടുത്തായി സ്ഥാപിച്ചിട്ടുള്ള മറ്റൊരു ഫ്‌ളക്‌സിൽ വി.ഡി. സതീശന്റെ പിആർ പണി അവസാനിപ്പിക്കുക. കോൺഗ്രസിന്റെ മുഖ്യമന്ത്രിയെ ഹൈക്കമാൻഡ് തീരുമാനിച്ചുകൊള്ളുമെന്നും പറയുന്നു .കോൺഗ്രസ് ഫാമിലി എന്ന പേരിലാണ് ഫ്ലക്സ് പ്രത്യക്ഷപ്പെട്ടത്.