ന്യൂഡൽഹി : നീറ്റ് യുജി പുനഃപരീക്ഷയ്ക്കുള്ള ചോദ്യപേപ്പറുകൾ സുരക്ഷിതമായി എത്തിക്കുന്നതിന് വ്യോമസേനയുടെ സഹായം ലഭ്യമാക്കുമെന്ന് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ. ജൂൺ മാസത്തിലെ കാലാവസ്ഥാ സാഹചര്യങ്ങൾ കണക്കിലെടുത്തും സുരക്ഷ മുൻനിർത്തിയുമാണ് വ്യോമസേനയുടെ സഹായം തേടുന്നത് .
പ്രതിരോധ മന്ത്രി രാജ്നാഥ് സിങ്, വിദ്യാഭ്യാസ മന്ത്രി ധർമ്മേന്ദ്ര പ്രധാൻ, വാർത്താവിനിമയ മന്ത്രി ജ്യോതിരാദിത്യ സിന്ധ്യ എന്നിവർ പങ്കെടുത്ത ഉന്നതതല യോഗത്തിലാണ് വ്യോമസേനയെ ഉൾപ്പെടുത്താനുള്ള നിർദ്ദേശം പരിഗണിച്ചത്. മേയ് മൂന്നാംതീയതി നടത്തിയ പരീക്ഷയുടെ ചോദ്യപേപ്പർ ചോർന്നതിനെ തുടർന്ന് റദ്ദാക്കിയ പരീക്ഷ ജൂൺ 21 നാണ് വീണ്ടും നടത്തുന്നത്.
