എംഎസ്‍സി എൽസ 3 കപ്പൽ അപകടം : കപ്പലിന് നേരത്തെ തന്നെ ചെരിവുണ്ടായിരുന്നതായി അന്വേഷണ റിപ്പോർട്ട്‌

കൊച്ചി : എംഎസ്‍സി എൽസ 3 കപ്പൽ അപകടത്തിൽ കപ്പലിന് അഞ്ച് ഡിഗ്രി ചെരിവുണ്ടായിരുന്നുവെന്ന് ഡിജി ഷിപ്പിംഗിന്റെ അന്വേഷണ റിപ്പോർട്ട്‌. വിഴിഞ്ഞത്ത് ലോഡിങ് നടക്കുമ്പോൾ തന്നെ കപ്പലിൽ വെള്ളം കയറി. കണ്ടെയ്നർ കയറ്റുമ്പോൾ തന്നെ വിഴിഞ്ഞം പോർട്ട് ഇത് സംബന്ധിച്ച മുന്നറിയിപ്പ് നൽകിയിരുന്നെന്നും റിപ്പോർട്ടിൽ പറയുന്നു. കൂടാതെ, കപ്പലിന്റെ സ്റ്റെബിലിറ്റിയെ ബാധിക്കുന്ന തരത്തിൽ ബല്ലാസ്റ്റ് ടാങ്കിൽ ചോർച്ച ഉണ്ടായിരുന്നുവെന്നും റിപ്പോർട്ടിൽ പറയുന്നു. കപ്പലിന്റെ കാലപ്പഴക്കവും അപകടകാരണമായെന്നും റിപ്പോർട്ടിൽ ചൂണ്ടിക്കാട്ടുന്നു .