റാന്നി: ദേവസ്വം ബോർഡിൻ്റെ ഉടമസ്ഥതയിലുള്ള ക്ഷേത്ര പരിസരത്ത് നിന്ന് തേക്കുതടി മോഷണം പോയതായി പരാതി. റാന്നി ഭഗവതികുന്ന് ക്ഷേത്ര പരിസരത്ത് നിന്നാണ് മുറിച്ചിട്ടിരുന്ന മരത്തിന്റെ തടികൾ മോഷ്ടാക്കൾ കടത്തിയത്.
ഒരു മാസം മുമ്പാണ് മരങ്ങൾ മുറിച്ച് ഇട്ടത്. സംഭവത്തിൽ ആറന്മുള അസി. ദേവസ്വം കമ്മിഷണർ സ്ഥലത്ത് എത്തി മോഷണം സ്ഥിരീകരിച്ചു. ദേവസ്വം അധികൃതർ റാന്നി പൊലീസിൽ പരാതി നൽകി. തേക്ക് തടി കൂടാതെ ഏതാനും പാഴ്മരങ്ങളും മുറിച്ചു കടത്തിയതായി പരാതിയിൽ പറയുന്നു.
