വാഷിംഗ്‌ടൺ : ഹോർമുസ് കടലിടുക്ക് ഇറാൻ പൂർണമായി തുറന്നുകൊടുത്താൽ യുദ്ധത്തിൽ നിന്ന് പിന്മാറാൻ ട്രംപ് തയ്യാറെന്ന് റിപ്പോർട്ട് .ആണവകരാറിൽ തീരുമാനമായില്ലെങ്കിലും ഹോർമുസിലൂടെയുള്ള കപ്പൽഗതാഗതം പുനഃസ്ഥാപിച്ചാൽ യുദ്ധത്തിൽനിന്നു പിന്മാറാൻ ട്രംപ് തയാറാകുന്നെന്ന് യുഎസ് മാധ്യമമായ വോൾസ്ട്രീറ്റ് ജേണൽ റിപ്പോർട്ടു ചെയ്തു.
സൈനിക നടപടികൾ അവസാനിപ്പിക്കാനും നിലവിലുള്ള വെടിനിർത്തൽ നീട്ടാനും ട്രംപ് ആഴ്ചകളായി ശ്രമം നടത്തുകയാണെന്നും സമഗ്രമായ ഒരു ആണവ കരാറിൽ എത്തുന്നതിന് മുൻപുതന്നെ ഇറാനുമായുള്ള യുദ്ധം അവസാനിപ്പിക്കാൻ തയ്യാറാണെന്ന് ട്രംപ് തന്റെ മുതിർന്ന ഉപദേശകരെ അറിയിച്ചതായും റിപ്പോർട്ടിൽ പറയുന്നു .എന്നാൽ, ഹോർമുസ് തുറന്നുകൊടുക്കുന്നതിനായി കർശനമായ ഉപാധികളാണ് ഇറാൻ മുന്നോട്ടുവെക്കുന്നത്.
