തിരുവനന്തപുരം : ബസ്സിൽവെച്ച് യുവതിയോട് അപമര്യാദയായി പെരുമാറിയ പോലീസ് ഉദ്യോഗസ്ഥന് സസ്പെൻഷൻ. മുൻമന്ത്രി വി ശിവൻകുട്ടിയുടെ ഗൺമാനായിരുന്ന തിരുവനന്തപുരം സ്പെഷ്യൽ ആംഡ് പൊലീസ് ബറ്റാലിയനിൽ ജോലി ചെയ്യുന്ന പ്രജീഷിനെയാണ് സസ്പെൻഡ് ചെയ്തത്.
ജൂലായിൽ ബസ്സിൽ സഞ്ചരിക്കുന്നതിനിടെ യുവതിയോട് അപമര്യാദയായി പെരുമാറിയ പ്രജീഷിന്റെ ദൃശ്യങ്ങൾ യുവതി തന്നെ പകർത്തി സമൂഹമാധ്യമങ്ങളിലൂടെ പുറത്തുവിട്ടിരുന്നു. തുടർന്ന് പൊലീസ് തലത്തിൽ നടത്തിയ അന്വേഷണത്തിൽ പോലീസ് സേനയ്ക്ക് തന്നെ അപമാനം സൃഷ്ടിക്കുന്ന തരത്തിലുള്ള പ്രവർത്തിയാണ് പ്രജീഷിന്റെ ഭാഗത്തുനിന്നുണ്ടായതെന്ന് കണ്ടെത്തിയിരുന്നു .റിപ്പോർട്ടിന്റെ അടിസ്ഥാനത്തിലാണ് ഇപ്പോൾ സസ്പെൻഷൻ ഉണ്ടായിരിക്കുന്നത്
