കൊച്ചി : നിയമസഭാ കയ്യാങ്കളി കേസില്‍ നാല് മുന്‍ യുഡിഎഫ് എംഎല്‍എമാര്‍ക്കെതിരെ എല്‍ഡിഎഫ് വനിതാ അംഗങ്ങള്‍ നല്‍കിയ കയ്യേറ്റക്കേസ് ഹൈക്കോടതി റദ്ദാക്കി.മുൻ നാട്ടിക എംഎൽഎ ഗീതാഗോപിയാണ് എംഎൽഎമാരായ ശിവദാസൻ നായർ, ഡൊമനിക് പ്രസന്റേഷൻ, എംഎ വാഹിദ്, എടി ജോർജ് എന്നിവർക്കെതിരെ പരാതി നൽകിയത് .
2015 ല്‍ ധനമന്ത്രി കെ എം മാണി ബജറ്റ് അവതരിപ്പിക്കുന്നതിനിടെ ഉണ്ടായ ബഹളത്തിനിടെ വനിതാ എംഎല്‍എമാരായിരുന്ന കെ.കെ. ലതിക, ജമീല പ്രകാശം എന്നിവരെ അന്യായമായി തടഞ്ഞുവെച്ച് കൈയേറ്റം ചെയ്തുവെന്നും സ്ത്രീത്വത്തെ അപമാനിച്ചുവെന്നുമുള്ള കേസാണ് ഹൈക്കോടതി റദ്ദാക്കിയത്.എല്‍ഡിഎഫ് എംഎല്‍എമാര്‍ പ്രതികളായ നിയമസഭ കയ്യാങ്കളിക്കേസ് മാത്രമാണ് ഇനി നിലനില്‍ക്കുന്നത്. അതിന്റെ വിചാരണ അടുത്ത മാസം നടന്നേക്കും.
