പത്തനംതിട്ട : ബാങ്ക് നിക്ഷേപ തട്ടിപ്പിൽ ഓമല്ലൂർ തറയിൽ ഫിനാൻസ് ഉടമ സജി പി സാമിന് ഒൻപത് വർഷം തടവു ശിക്ഷയും മൂന്ന് ലക്ഷം രൂപ പിഴയും വിധിച്ച് കോടതി. 2021 ൽ കോന്നി അരുവാപ്പുലം സ്വദേശി റെജി എന്നയാൾ നൽകിയ പരാതിയിൽ പത്തനംതിട്ട പോലീസ് രജിസ്റ്റർ ചെയ്ത കേസിലാണ് ഓമല്ലൂർ തറയിൽ വീട്ടിൽ സജീ സാമിനെ ശിക്ഷിച്ചത് .
പരാതിക്കാരൻ്റെ ബന്ധുക്കളിൽ നിന്നും 8,70,000 രൂപയാണ് സജീ സാം വാങ്ങിയത്. സജീ സാമിനെതിരെ സമാനമായ നിരവധി പരാതികളുണ്ട്. റെജിയുടെ പരാതിയിൽ അന്നത്തെ പത്തനംതിട്ട സബ് ഇൻസ്പക്ടർ ആയിരുന്ന എസ് ഷൈജു കേസ് രജിസ്റ്റർ ചെയ്ത് അന്വേഷിക്കുകയും, പ്രതിയെ അറസ്റ്റ് ചെയ്യുകയും ചെയ്തു. പിന്നീട് സ്ഥലം മാറി വന്ന സബ് ഇൻസ്പക്ടർ സാജൻ പീറ്റർ പ്രതിക്കെതിരെ കോടതിയിൽ കുറ്റപത്രം സമർപ്പിച്ചു.
പ്രൊസിക്യൂഷന് വേണ്ടി പബ്ലിക്ക് പ്രോസിക്യൂട്ടർ ബി ബിന്നി ഹാജരായി. കോടതി നടപടികൾ സീനിയർ സിവിൽ പോലീസ് ഓഫീസർ മഹേഷ് കുമാർ ഏകോപിപ്പിച്ചു. കേസിൽ വാദം കേട്ട മൂന്നാം നമ്പർ പത്തനംതിട്ട ജില്ലാ & സെഷൻസ് ജഡ്ജ്, എസ് മിനിമോൾ പ്രതിയെ കുറ്റക്കാരനെന്ന് കണ്ടെത്തി ശിക്ഷ വിധിക്കുകയായിരുന്നു
