ആലപ്പുഴ: ചമ്പക്കുളത്ത് പുല്ലങ്ങാടി ഭാഗത്ത് നിരവധി മോഷണങ്ങൾ നടത്തിയ പ്രതിയെ പോലീസ് പിടികൂടി. രതീഷ് (പൊടിപാറ വക്കൻ) 35 നെയാണ് നെടുമുടി പൊലീസ് സംഘം പിടികൂടിയത്. ഒക്ടോബർ നാലിനും അഞ്ചിനും ഇടയിലായിരുന്നു സംഭവം.
പുല്ലങ്ങടി പളളിയുടെ കുരിശ്ശടിക്ക് തെക്കുവശം ഉള്ള പലചരക്ക് കടയുടെ താഴ് പൊളിച്ച് അകത്തു കയറിയ പ്രതി കടയിൽ നിന്നും 5000/-രൂപയും, മൊബൈൽഫോണും മോഷ്ടിക്കുകയായിരുന്നുവെന്നാണ് പൊലീസ് കേസ്. കഴിഞ്ഞ 19 ന് പുലർച്ചെ രണ്ടു മണിയോടെ ചമ്പക്കുളം എസ്.എൻ.ഡി.പിയുടെ കാണിക്കവഞ്ചി തകർത്ത് മോഷണം നടത്തിയ കേസിലും ഇയാൾ തന്നെയാണ് പ്രതിയെന്ന് പൊലീസ് പറഞ്ഞു.
ആലപ്പുഴ കല്ലു പാലത്തിന് സമീപത്ത് നിന്നും എസ്.എച്ച്.ഒ ഇൻസ്പെക്ടർ ബൈജു ജി യുടെ നേതൃത്വത്തിൽ എസ്.ഐ സുധിമോൻ ജി, സീനിയർ സിപിഒ രഞ്ജിത്, മോബിൻ, എബി, സിപിഒ അനു മാത്യു എന്നിവർ അടങ്ങുന്ന സംഘം ആണ് പ്രതിയെ പിടികൂടിയത്.
