പരുമല: പരുമല സെമിനാരിയുടെ കാവൽ പിതാക്കന്മാരായ പത്രോസ് പൗലോസ് ശ്ലീഹന്മാരുടെ ഓർമപ്പെരുനാളിനു കൊടിയേറി. പരുമല സെമിനാരി മാനേജർ കെ.വി. പോൾ റമ്പാൻ കൊടിയേറ്റിനു പ്രധാന കാർമികത്വം വഹിച്ചു. പരുമല ആശുപത്രി സി.ഇ ഓ ഫാ.എം.സി.പൗലോസ് , പരുമല സെമിനാരി അസി. മാനേജർ ജെ.മാത്തുക്കുട്ടി ഫാ.എൽദോസ് ഏലിയാസ് , പരുമല സെമിനാരി കൗൺസിൽ അംഗങ്ങൾ എന്നിവർ കൊടിയേറ്റ് ചടങ്ങിൽ പങ്കെടുത്തു.
ജൂൺ 28 ന് വൈകുന്നേരം 6 നു സന്ധ്യ നമസ്കാരം,7 നു വചന ശുശ്രൂഷ ഫാ.ഡോ. നൈനാൻ വി. ജോർജ്ജ് 8 നു റാസ 8.30 ശ്ലൈഹീക വാഴ്വ്. 29 ന് പ്രധാന പെരുനാൾ ദിവസം മലങ്കര സഭ പരമാധ്യക്ഷൻ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവ കുർബ്ബാനയ്ക്ക് പ്രധാന കാർമികത്വം വഹിക്കും. തുടർന്ന് പ്രദക്ഷിണം ധൂപപ്രാർത്ഥന ആശീർവാദം നേർച്ച വിളമ്പ് എന്നിവയോടെ പെരുനാൾ ചടങ്ങുകൾ സമാപിക്കും
