പത്തനംതിട്ട : സംസ്ഥാന സർക്കാരിൻ്റെ നാലാം 100 ദിന കർമ പരിപാടിയുടെ ഭാഗമായി ജില്ലയിലെ തദ്ദേശ അദാലത്ത് ഈ മാസം 9 ന് പ്രമാടം ഇൻഡോർ സ്റ്റേഡിയത്തിൽ നടക്കും. തദ്ദേശ മന്ത്രി എം.ബി. രാജേഷ് അദാലത്തിൽ പങ്കെടുക്കും. തദ്ദേശ സ്ഥാപനങ്ങളുമായി ബന്ധപ്പെട്ട പരാതികൾ അദാലത്തിൽ സ്വീകരിക്കുമെന്ന് സംഘാടകർ അറിയിച്ചു.
പരാതികൾ www.adalath.lsg.kerala.gov.in എന്ന പോർട്ടലിൽ നൽകാം. അഞ്ചാം തീയതിയ്ക്ക് മുമ്പ് ഓൺലൈനിൽ അപേക്ഷ സമർപ്പിക്കണം.9 ന് നൽകുന്ന അപേക്ഷയും പരിഗണിക്കും. രാവിലെ 8.30 ന് റജിസ്ട്രേഷൻ ആരംഭിക്കും.
കെട്ടിട പെർമിറ്റ്, വ്യാപാര വാണിജ്യ വ്യവസായ സേവന ലൈസൻസുകൾ, സിവിൽ രജിസ്ട്രേഷൻ, ഗുണഭോക്തൃ പദ്ധതികൾ, നികുതികൾ, പദ്ധതി നിർവഹണം സംബന്ധിച്ച പരാതികൾ, സാമൂഹ്യ സുരക്ഷാ പെൻഷൻ, മാലിന്യ സംസ്കരണം തുടങ്ങിയ വിഷയങ്ങളിൽ പരാതി നൽകാം. അപേക്ഷകളിൽ ഉടൻ തീർപ്പു കൽപ്പിക്കാനാണ് ശ്രമിക്കുന്നതെന്ന് ഉദ്യോഗസ്ഥർ അറിയിച്ചു
