ലഫ്റ്റനന്റ് ജനറല്‍ എന്‍.എസ്. രാജ സുബ്രഹ്‌മണി പുതിയ സംയുക്ത സൈനിക മേധാവി

ന്യൂഡൽഹി : ഇന്ത്യയുടെ പുതിയ ചീഫ് ഓഫ് ഡിഫന്‍സ് സ്റ്റാഫായി ലഫ്റ്റനന്റ് ജനറല്‍ എന്‍.എസ്. രാജ സുബ്രഹ്‌മണിയെ നിയമിച്ചു.പുതിയ നാവികസേനാ മേധാവിയായി വൈസ് അഡ്മിറൽ കൃഷ്ണ സ്വാമിനാഥനെയും കേന്ദ്ര സർക്കാർ നിയമിച്ചു. നിലവിലെ സി.ഡി.എസ് ജനറൽ അനിൽ ചൗഹാൻ മെയ് 30-ന് ഔദ്യോഗിക കാലാവധി പൂർത്തിയാക്കി വിരമിക്കും.കഴിഞ്ഞ വര്‍ഷം ജൂലൈ 31-ന് കരസേനയുടെ വൈസ് ചീഫായിരിക്കെയാണ് രാജ സുബ്രഹ്‌മണി ഔദ്യോഗിക സേവനത്തില്‍ നിന്ന് വിരമിച്ചത്. നിലവില്‍ നാഷണല്‍ സെക്യൂരിറ്റി കൗണ്‍സില്‍ സെക്രട്ടേറിയറ്റില്‍ സൈനിക ഉപദേഷ്ടാവായി സേവനമനുഷ്ഠിക്കുകയാണ് രാജ സുബ്രഹ്‌മണി.