തിരുവല്ല: കുറ്റൂർ പ്രയാറ്റ് – റെയിൽവേ ഗേറ്റ് റോഡിൽ വിവേകാനന്ദ ഗ്രാമ സേവ സമിതിയുടെ നേതൃത്വത്തിൽ തകർന്നു കിടന്ന റോഡിൽ വാഴ നട്ട് പ്രതിഷേധിച്ചു.
പഞ്ചായത്തിന്റെയും ജനപ്രതിനിധികളുടെയും അനാസ്ഥയും കെടുകാര്യസ്തയുമാണ് ഇതിന് കാരണം. റോഡ് തകർന്ന് കിടക്കാൻ തുടങ്ങിയിട്ട് മാസങ്ങൾ പിന്നിടുന്നു. വെള്ളക്കെട്ട് മൂലം നടക്കാൻ പറ്റാത്ത സാഹചര്യമാണ്. റോഡിന്റെ പ്രവർത്തനങ്ങൾ ഉടനെ ആരംഭിച്ചില്ലെങ്കിൽ വൻ പ്രതിഷേധസമരങ്ങളുമായി മുന്നോട്ടു പോകാനാണ് സമിതിയുടെ തീരുമാനം.
വിവേകാനന്ദ ഗ്രാമ സേവ സമിതി പ്രസിഡന്റ്‌ രതീഷ്ശർമ്മൻ അധ്യക്ഷത വഹിച്ച യോഗത്തിൽ രക്ഷാധികാരി എ ആർ ശശിധരൻ, രക്ഷാധികാരി സുരേഷ് കുമാർ തുടങ്ങിയവർ പ്രസംഗിച്ചു. 50 ൽ പരം പ്രവർത്തകരും നാട്ടുകാരും പ്രതിഷേധത്തിൽ പങ്കെടുത്തു
