കോഴിക്കോട്: മാങ്കാവില് ഓടുന്ന കെഎസ്ആര്ടിസി ബസില് നിന്ന് തല പുറത്തേക്കിട്ട യുവാവ് മരിച്ചു. കണ്ണൂര് സ്വദേശി സുനിലിന്റെ തല പോസ്റ്റിലിടിച്ചാണ് അപകടം. കോട്ടയത്ത് നിന്ന് കോഴിക്കോട്ടേക്ക് പോകുകയായിരുന്ന ബസില് ആയിരുന്നു സംഭവം ഉണ്ടായത്.
ബസില് ഏറ്റവും പിന്നിലെ സൈഡ് സീറ്റിലിരുന്ന് ഉറങ്ങുകയായിരുന്നു യുവാവ്. രാത്രി ഒരു മണിക്കാണ് സംഭവം നടന്നത്. സുനിലിനൊപ്പം ബന്ധുക്കളും ഉണ്ടായിരുന്നു. ഒരു വലിയ ശബ്ദം കേട്ടാണ് ബസിലെ യാത്രക്കാര് തിരിഞ്ഞ് നോക്കിയത്. പരിക്കേറ്റയുടന് യുവാവിനെ കോഴിക്കോട് മിംസ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
പൊലീസ് വിശദമായ അന്വേഷണം നടത്തുന്നുണ്ട്.
