ന്യൂഡൽഹി : മണിപ്പൂരില്‍ രാഷ്‌ട്രപതിഭരണത്തിനുള്ള അംഗീകാരം തേടിയുള്ള പ്രമേയം കേന്ദ്രസര്‍ക്കാര്‍ ലോക്സഭയില്‍ അവതരിപ്പിച്ചു. ഇന്ന് പുലര്‍ച്ചെ വഖഫ് ബില്‍ പാസാക്കിയതിനു തൊട്ടുപിന്നാലെയാണ് കേന്ദ്ര ആഭ്യന്തരമന്ത്രി അമിത് ഷാ പ്രമേയം അവതരിപ്പിച്ചത്. കഴിഞ്ഞ നാല് മാസമായി മണിപ്പൂരിൽ ഒരു അക്രമവും ഉണ്ടായിട്ടില്ലെന്നും പ്രശ്ന പരിഹാരത്തിനായി മെയ്‌തെയ്,കുക്കി സമുദായങ്ങളുമായി ചർച്ചകൾ നടക്കുക്കുകയാണെന്നും കേന്ദ്ര ആഭ്യന്തര മന്ത്രി അമിത് ഷാ സഭയിൽ പറഞ്ഞു.
ബുധനാഴ്ചയിലെ കാര്യപരിപാടിയില്‍ പതിന്നാലാമതായി ഉള്‍പ്പെടുത്തിയ ഇനമായിരുന്നു മണിപ്പൂർ പ്രമേയം. നേരം വൈകി പ്രമേയം അവതരിപ്പിച്ചതിൽ പ്രതിപക്ഷം പ്രതിഷേധമുയര്‍ത്തി.പ്രമേയം സഭ ശബ്ദവോട്ടോടെ അംഗീകരിച്ചു.
