മലപ്പുറം : വീട്ടുമുറ്റത്ത് കാർ പിന്നോട്ട് എടുക്കുന്നതിനിടെ ഇടിച്ച് നാലുവയസ്സുകാരി മരിച്ചു. മലപ്പുറം എടപ്പാളിൽ ജാബിറിന്റെ മകൾ അംറുബിൻത് ജാബിർ ആണ് മരിച്ചത്. ഇന്നലെ രാത്രിയാണ് അപകടമുണ്ടായത്. അപകടത്തില്‍ മൂന്ന് സ്ത്രീകള്‍ക്കും പരിക്കേറ്റു.ഒരാളുടെ പരിക്ക് ഗുരുതരമാണ്. ജാബിറിന്റെ ബന്ധുവായ യുവതിയാണ് കാർ ഓടിച്ചിരുന്നത്. ഓട്ടോമാറ്റിക് കാറാണ് അപകടത്തില്‍പ്പെട്ടത്. കാര്‍ പിന്നോട്ട് എടുക്കുന്നതിനിടയില്‍ വേഗത്തില്‍ പിന്നോട്ട് വന്ന് മുറ്റത്ത് നില്‍ക്കുകയായിരുന്നവരെ ഇടിക്കുകയായിരുന്നു.
