കൊല്ലം : ചുരിദാർ ധരിച്ചെത്തിയ പ്രധാന അധ്യാപികയെ സ്കൂളിൽ പ്രവേശിപ്പിച്ചില്ലെന്ന് പരാതി.കൊട്ടാരക്കര നെടുവത്തൂർ ഈശ്വരവിലാസം ഹയർ സെക്കൻഡറി സ്കൂളിലാണ് സംഭവം.സ്കൂൾ മനേജർ അറിയിച്ചത് അനുസരിച്ചാണ് അധ്യാപികയെ തടഞ്ഞ് ഗേറ്റ് പൂട്ടിയതെന്നാണ് സെക്യൂരിറ്റി പറയുന്നത്.സംഭവത്തിൽ സ്കൂളിലെ പ്രധാന അധ്യാപിക സിന്ധു എസ്. നായർ പൊലീസിൽ പരാതി നൽകി.
ഗേറ്റിന് മുന്നിൽ കുത്തിയിരുന്ന് പ്രതിഷേധിച്ച അധ്യാപികയെ പൊലീസ് എത്തിയാണ് സ്കൂളിൽ പ്രവേശിപ്പിച്ചത്.എന്നാൽ വസ്ത്രത്തിൻ്റെ പേരിൽ ആരെയും തടയാൻ പറഞ്ഞിട്ടില്ലെന്നും കൃത്യസമയത്തു സ്കൂളിൽ എത്തണമെന്ന കാര്യം മുൻപ് സംസാരിച്ചിട്ടുണ്ടെന്നും സ്കൂൾ മാനേജർ പറഞ്ഞു.
