തിരുവല്ല : ‘നെറ്റ് സീറോ കാർബൺ കേരളം’ പദ്ധതിയുടെ ഭാഗമായി ആർത്തവ ശുചിത്വവും പരിസ്ഥിതി സൗഹൃദ ശീലങ്ങളും പ്രോത്സാഹിപ്പിക്കുക എന്ന ലക്ഷ്യത്തോടെ ഹരിതകേരളം മിഷൻ വിദ്യാലയങ്ങളിൽ മെൻസ്ട്രുവൽ കപ്പുകൾ വിതരണം ചെയ്യുന്നു. പദ്ധതിയുടെ ഭാഗമായി പുളിക്കീഴ് ബ്ലോക്ക് പരിധിയിൽ വരുന്ന വിദ്യാലയങ്ങളിലെ വിതരണോദ്ഘാടനം പെരിങ്ങര ഗവ. ഹയർ സെക്കന്ററി സ്കൂളിൽ വെച്ച് മാത്യു ടി തോമസ് എംഎൽഎ നിർവഹിച്ചു. സ്കൂൾ പ്രഥമ അധ്യാപിക ചിത്ര വി.വി. എംഎൽഎയിൽ നിന്നും മെൻസ്ട്രുവൽ കപ്പുകൾ ഏറ്റുവാങ്ങി.
സ്കൂൾ വാർഷികത്തോടനുബന്ധിച്ച് നടന്ന ചടങ്ങിൽ ജില്ലാ പഞ്ചായത്ത് അംഗം സാം ഈപ്പൻ, തിരുവല്ല എഇഒ മിനികുമാരി വി.കെ., ബിപിസി റോയ് ടി മാത്യു, ഹരിതകേരളം മിഷൻ ജില്ലാ കോഓർഡിനേറ്റർ ജി. അനിൽകുമാർ,ബ്ലോക്ക് കോഓർഡിനേറ്റർ രാഹുൽ ജി. കൃഷ്ണൻ, ജനപ്രതിനിധികൾ, സ്കൂൾ, അധ്യാപകർ എന്നിവർ പങ്കെടുത്തു.
