തിരുവല്ല: പെരിങ്ങര പഞ്ചായത്ത് ഹിന്ദു ഏകതാ സമ്മേളനം ഞായറാഴ്ച്ച ചാത്തങ്കരി ശ്രീദുർഗ്ഗാ നഗറിൽ നടക്കും. ഉച്ചയ്ക്ക് 2-ന് നാരായണ പാരായണീയം തുടർന്ന് മെഗാ തിരുവാതിര, കുട്ടികളുടെ കലാപരിപാടികൾ എന്നിവ അരങ്ങേറും.
വൈകിട്ട് മൂന്നിന് ചാത്തങ്കരി ജങ്ഷനിൽ നിന്ന് ശോഭയാത്ര ആരംഭിക്കും. ക്ഷേത്ര നഗറിൽ എത്തിയ ശേഷം നടക്കുന്ന സമ്മേളനത്തിൽ ദാമോദരൻ നമ്പൂതിരി ഭദ്രദീപ പ്രകാശനം നിർവഹിക്കും. ഹിന്ദു ഏകതാ സമ്മേളനം പ്രസിഡന്റ് കെ. ഭാസ്‌ക്കരൻ നായർ അധ്യക്ഷനാകും. ആർഎസ്എസ് പ്രാന്ത സഹസേവ പ്രമുഖ് ഗിരീഷ് കുമാർ മുഖ്യപ്രഭാഷണം നടത്തും. ഹൈന്ദവ സമൂഹത്തിലെ ഐക്യവും ആത്മവിശ്വാസവും ശക്തിപ്പെടുത്തി ഭാരതത്തിന്റെ മഹത്തായ സാംസ്‌കാരിക പൈത്യകം പുതു തലമുറയ്ക്ക് പകർന്നു നൽകുക എന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്.
