തിരുവനന്തപുരത്ത്‌ ഇലക്ട്രിക്ക് ബസ് നിയന്ത്രണം വിട്ട് ലോട്ടറിക്കടയിൽ ഇടിച്ചു കയറി : 3 പേർക്ക് പരിക്ക്

തിരുവനന്തപുരം : ഇലക്ട്രിക്ക് ബസ് നിയന്ത്രണം വിട്ട് ലോട്ടറിക്കടയിൽ ഇടിച്ചു കയറി 3 പേർക്ക് പരിക്ക് .പാപ്പനംകോട് ഡിപ്പോയിൽ നിന്ന്  പുറത്തേയ്ക്കിറങ്ങുന്നതിനിടെ നിയന്ത്രണം വിട്ട ഇലക്ട്രിക്ക് ബസ് റോഡരികിലെ ലോട്ടറിക്കടയിൽ ഇടിച്ചുകയറുകയായിരുന്നു. ബസിന്റെ ഡ്രൈവര്‍ക്കും കണ്ടക്ടര്‍ക്കും ലോട്ടറി വില്‍പ്പനക്കാരനുമാണ് പരിക്കേറ്റത്. പുലര്‍ച്ചെ ആറരയോടെയായിരുന്നു സംഭവം.നടപ്പാതയുടെ ഇരുമ്പ് തൂണുകളും കൈവരികളും ഇടിച്ചുതകർത്താണ് ബസ് ലോട്ടറിക്കടയിലേയ്ക്ക് പാഞ്ഞുകയറിയത്.