മല്ലപ്പള്ളി: തുരുത്തിക്കാട് കണ്ണിയാണ്കടവിൽ ശനിയാഴ്ച വൈകീട്ട് മണിമലയാറ്റിൽ കുളിക്കാനിറങ്ങി കാണാതായ എഴുമറ്റൂർ ഇരുമ്പുകുഴി സ്വദേശിയായ ഫെബി (17)ന്റെ മൃതദേഹം ഇന്ന് രാവിലെ കണ്ടെത്തി.
വിവരമറിഞ്ഞതിനെ തുടർന്ന് ടീം എമർജൻസി പ്രവർത്തകർ ഇന്ന് പുലർച്ചെ 4 മണിക്ക് ഈരാറ്റുപേട്ടയിൽ നിന്ന് മല്ലപ്പള്ളിയിലേക്ക് തിരിക്കുകയും രാവിലെ 6 മണിക്ക് തിരച്ചിൽ ആരംഭിക്കുകയും ചെയ്തു. തുടർന്ന് രാവിലെ 7 മണിയോടെ ടീം എമർജൻസി പ്രവർത്തകർ ഫെബിന്റെ മൃതദേഹം കണ്ടെത്തുകയായിരുന്നു.
ശനിയാഴ്ച വൈകീട്ട് 4 മണിയോടെയാണ് കൂട്ടുകാർക്കൊപ്പം മണിമലയാറ്റിൽ കുളിക്കാനിറങ്ങിയ ഫെബിനെ കാണാതായത്. വിവരമറിഞ്ഞ് സ്കൂബാ ടീമും അഗ്നിരക്ഷാസേനയും ഉൾപ്പെടെയുള്ള രക്ഷാപ്രവർത്തകർ സ്ഥലത്തെത്തി രാത്രി വൈകും വരെ തിരച്ചിൽ നടത്തിയെങ്കിലും കണ്ടെത്താനായില്ല. പിന്നീട് രാത്രി 11:40ഓടെ തിരച്ചിൽ താൽക്കാലികമായി നിർത്തിയിരുന്നു.
ഇന്ന് പുലർച്ചെ പുനരാരംഭിച്ച തിരച്ചിലിലാണ് ടീം എമർജൻസിയുടെ നേതൃത്വത്തിൽ മൃതദേഹം കണ്ടെത്തിയത്. ടീം എമർജൻസി സംസ്ഥാന പ്രസിഡന്റെ അഷറഫ് കുട്ടി, മനാഫ്, പരീ, അല്ലാ പ്പൻ, ബഷീർ, മണിമല ടീം എമർജൻസി കാപ്റ്റൻ സഫിൻ ജെയിംസ് പതാപ്പറബിൽ എന്നിവർ തെരച്ചിലിന് നേതൃത്വം നൽകി.
