തൃശ്ശൂർ : ഓണാഘോഷത്തിന് സമാപനം കുറിച്ച് ഇന്ന് തൃശൂരില്‍ പുലിക്കളി മഹോത്സവം. ഇന്നു വൈകിട്ട് 4 മുതൽ രാത്രി 10 വരെ സ്വരാജ് റൗണ്ടിൽ മണിക്കൂറുകൾ നീണ്ടു നിൽക്കുന്ന പുലികളിയുടെ ഫ്ലാഗ് ഓഫ് വൈകിട്ട് 4ന് ബിനി ജംക്‌ഷനിൽ മന്ത്രി ഒ.ജെ. ജനീഷ് നിർവഹിക്കും.
9 സംഘങ്ങളിലായി 450ഓളം പുലികളാണ് ഇത്തവണ ഇറങ്ങുന്നത്.ഓരോ സംഘത്തിലും 50ലധികം പുലികൾ അണിനിരക്കും, ഒപ്പം നിശ്ചല ദൃശ്യങ്ങളും ഉണ്ടായിരിക്കും. ഇത്തവണയും പുലികളിൽ വനിതകളുടെ സാന്നിധ്യമുണ്ട്. ഉച്ചയ്ക്കു രണ്ടോടെ ദേശങ്ങളിൽ നിന്നുള്ള പുലിക്കളിയാത്ര ആരംഭിക്കും. ഏഴോടെ പുലി സംഘങ്ങളെല്ലാം സ്വരാജ് റൗണ്ടിൽ പ്രവേശിക്കും.മികച്ച പുലിക്കളി സംഘങ്ങൾക്ക് വിവിധ പുരസ്കാരങ്ങളും ഒരുക്കിയിട്ടുണ്ട്.
