കോട്ടയം : ചെറുവള്ളി എസ്റ്റേറ്റിൽ അഴിച്ചുവിട്ടു വളർത്തുന്ന പശുക്കൾ കൂട്ടത്തോടെ ഇടിമിന്നലേറ്റ് ചത്ത നിലയിൽ. 12 പശുക്കളെയാണ് ചത്ത നിലയിൽ കണ്ടെത്തിയത്. പശുക്കൾ ചത്തത് ഇടിമിന്നൽ ഏറ്റാണെന്ന് പോസ്റ്റുമോട്ടത്തിൽ സ്ഥിരീകരിച്ചതായി ജില്ലാ വെറ്റിനറി ഓഫീസർ ഡോ.ജോജി മാത്യു അറിയിച്ചു.
പശുക്കൾ കൂട്ടത്തോടെ ചത്തുകിടന്നതിന് സമീപം ഒരു മരത്തിലും തറയിലും ഇടിവെട്ടേറ്റത്തിന്റെ ലക്ഷണങ്ങളുണ്ട്. പോസ്റ്റ്മോർട്ടം പൂർത്തിയായതോടെ പശുക്കളെ കൂട്ടത്തോടെ മണ്ണുമാന്തി ഉപയോഗിച്ച് കുഴിച്ചുമൂടി. ബുധനാഴ്ച വൈകിട്ട് മേഖലയിൽ ഇടിമിന്നലും കനത്ത മഴയുമായിരുന്നു. നൂറു കണക്കിന് പശുക്കളെയാണ് ചെറുവള്ളി എസ്റ്റേറ്റിൽ അഴിച്ചുവിട്ട് വളർത്തുന്നത്.
