പന്തളം : വയലാർ രാമവർമ്മയുടെ 51 മത് ചരമ വാർഷികത്തോടനുബന്ധിച്ച് കാരയ്ക്കാട് കസവ് അനുസ്മരണയോഗം സംഘടിപ്പിച്ചു. പ്രസിഡണ്ട് കൃഷ്ണകുമാർ കാരയ്ക്കാട് അധ്യക്ഷനായി.എഴുത്തുകാരനും പായിപ്പാട് കോളേജ് ഓഫ് ടീച്ചർ എഡ്യൂക്കേഷൻ പ്രിൻസിപ്പലുമായ ഡോ.രാജീവ് പുലിയൂർ ഉദ്ഘാടനം നിർവ്വഹിച്ചു. മാനവികതയും അജയ്യമായ മനുഷ്യ ശക്തിയും പ്രതിഫലിപ്പിക്കുന്നതാണ് വയലാർ കവിതകളും ഗാനങ്ങളുമെന്ന് അദ്ദേഹം അഭിപ്രായപ്പെട്ടു.
ബിന്ദു ആർ തമ്പി, രജനി.റ്റി. നായർ എന്നിവർ വയലാർ രചനകളിലെ മാനവികതാ ദർശനം, സ്നേഹ സന്ദേശവും തത്വചിന്തയും എന്നീ വിഷയങ്ങൾ അവതരിപ്പിച്ചു സംസാരിച്ചു. കസവ് നാട്ടുത്സവത്തോടനുബന്ധിച്ച് സംഘടിപ്പിച്ച ചിത്ര കരകൗശല വസ്തു പ്രദർശനങ്ങളിലും കലാപരിപാടികളിലും പങ്കെടുത്ത പ്രതിഭകൾക്കുള്ള പുരസ്കാരം ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ സമ്മാനിച്ചു.
വൈസ് പ്രസിഡണ്ട് ഷജീവ് കെ. നാരായണൻ ,സെക്രട്ടറി ശ്രീരാജ് കെ,ട്രഷറർ ടി.ഡി. ശശിധരൻ നായർ, വനിത വേദി പ്രസിഡണ്ട് സുമ ഹരികുമാർ, വനിത വേദി സെക്രട്ടറി ഷീല ജയൻ എന്നിവർ സംസാരിച്ചു. വയലാർ കവിതകളുടെയും ഗാനങ്ങളുടെയും ആലാപനം നടന്നു.
