കോന്നി : കരിമാൻതോട് പൂച്ചക്കുളത്ത് വളർത്തുനായയെ പുലി ആക്രമിച്ചു കൊന്നതായി വീട്ടുകാർ. പൂച്ചക്കുളം മണ്ണുങ്കൽ സുജയുടെ വീട്ടിലെ നായയെ ആണ് പുലി ആക്രമിച്ചു കൊന്നത്. വെള്ളി പുലർച്ചെ നായയുടെ കുര കേട്ട് വീട്ടുകാർ പുറത്തിറങ്ങിയപ്പോൾ പുലി നായയെ പിടികൂടി കൊന്ന ശേഷം വലിച്ചിഴച്ച് കാട്ടിലേക്ക് മറയുന്നത് കണ്ടതായി വീട്ടുകാർ പറഞ്ഞു.
വീടിന്റെ മുറ്റത്ത് തറയിൽ നായയെ വലിച്ചിഴച്ചപാടും കാണാം. മുൻപും ഈ ഭാഗത്ത് പുലിയുടെ സാന്നിധ്യം ഉണ്ടായതായി വീട്ടുകാർ പറഞ്ഞു. വിവരം വനം വകുപ്പ് അധികൃതരെ അറിയിച്ചിട്ടുണ്ട്
