കോഴിക്കോട് : കോഴിക്കോട് പയ്യാനക്കലിൽ ജിംനേഷ്യത്തിന്റെ മറവിൽ ലഹരിമരുന്ന് വിൽപന നടത്തിയ മൂന്ന് യുവാക്കൾ പിടിയിൽ. ബേപ്പൂർ മൂന്നാർ വളപ്പിൽ ജംഷീർ, ബേപ്പൂർ മതിലകത്ത് ഇജാസ്, ഫറോക്ക് ചുങ്കത്ത് സ്വദേശി അർഷാദ് എന്നിവരാണ് അറസ്റ്റിലായത്.പരിശോധനയിൽ ഏകദേശം 250 ഗ്രാം എംഡിഎംഎയും 40 ഗ്രാം കഞ്ചാവും പിടിച്ചെടുത്തു.
പയ്യാനക്കൽ കപ്പക്കൽ റോഡിലുള്ള ‘ബാക്ക് ടു ഫിറ്റ്’ ജിമ്മിൽ എത്തുന്നവർക്ക് എം.ഡി.എം.എ വിൽപ്പന നടത്തുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന .ലഹരിമരുന്നിന്റെ ഉറവിടത്തെക്കുറിച്ചും കൂടുതൽ ആളുകൾക്ക് ഇതിൽ പങ്കുണ്ടോയെന്നതിനെക്കുറിച്ചും പൊലീസ് കൂടുതൽ അന്വേഷണം ആരംഭിച്ചിട്ടുണ്ട്.
