പത്തനംതിട്ട : 56 വർഷം മുമ്പ് സൈനിക വിമാനാപകടത്തിൽ കാണാതായ തോമസ് ചെറിയാൻ്റെ മൃതദേഹം കണ്ടെത്തിയ സംഭവം രാജ്യത്തിൻ്റെയും സൈന്യത്തിൻ്റെയും യശസുയർത്തിയ സംഭവമാണെന്ന് ഓർത്തഡോക്സ് സഭാ സെക്രട്ടറി ബിജു ഉമ്മൻ പറഞ്ഞു.
ഇലന്തൂരിൽ തോമസ് ചെറിയാൻ്റെ കുടുംബാംഗങ്ങളെ സന്ദർശിച്ച ശേഷം സംസാരിക്കുകയായിരുന്നു അദ്ദേഹം. 56 വർഷത്തിന് ശേഷവും തിരച്ചിൽ നടത്തി സൈനികരുടെ മൃതദേഹങ്ങൾ വീണ്ടെടുത്ത് മതാചാരപ്രകാരം സംസ്കരിക്കാൻ അവസരമൊരുക്കുന്ന സംഭവം ലോകരാജ്യങ്ങൾക്കാകെ മാതൃകയാണെന്നും അദ്ദേഹം സൂചിപ്പിച്ചു.
ഇന്ത്യൻ സൈന്യത്തിൻ്റെ നിശ്ചയദാർഡ്യത്തിൻ്റെ ഉത്തമ ഉദാഹരണം കൂടിയായ ഈ സംഭവം. സൈന്യത്തിൻ്റെയും സൈനികരുടെ കുടുംബാംഗങ്ങളുടെയും അത്മവീര്യം ഉയർത്തുമെന്നും അദ്ദേഹം അഭിപ്രായപ്പെട്ടു.
