നാഗർകോവിൽ : സ്ത്രീധന പീഡനത്തെത്തുടർന്ന് മലയാളി അദ്ധ്യാപിക ജീവനൊടുക്കിയതിനു പിന്നാലെ വിഷം കഴിച്ച ഭർതൃമാതാവ് മരിച്ചു.ശുചീന്ദ്രം സ്വദേശിനി പരേതനായ നാഗരാജന്റെ ഭാര്യ ചെമ്പകവല്ലി (50) ആണ് മരിച്ചത്. ഭര്തൃമാതാവിന്റെ പീഡനം സഹിക്കാന് കഴിയാതെ ജീവനൊടുക്കുന്നുവെന്നാണ് കൊല്ലം പിറവന്തൂര് സ്വദേശിയായ ശ്രുതി (24) മാതാപിതാക്കള്ക്ക് അയച്ച സന്ദേശത്തില് പറഞ്ഞത്.
തുടർന്ന് ശ്രുതിയുടെ പിതാവ് ബാബുവിന്റെ പരാതിയെ തുടർന്ന് പൊലീസ് കേസെടുത്തു.ഇതോടെയാണ് ആരോപണവിധേയായ ചെമ്പകവല്ലി ആത്മഹത്യക്ക് ശ്രമിച്ചത്. ആശാരിപ്പള്ളം മെഡിക്കൽ കോളജിൽ ചികിത്സയിലിരിക്കെ തിങ്കളാഴ്ച വൈകിട്ടോടെയാണ് ചെമ്പകവല്ലി മരിച്ചത്.
