പത്തനംതിട്ട :കേരള ബാങ്ക് എന്നപേരിൽ അറിയപ്പെടുന്ന കേരളത്തിലെ സഹകരണ ബാങ്കുകൾ തട്ടിപ്പും അഴിമതിയും നടത്തുന്ന കേന്ദ്രങ്ങളായി മാറിയെന്ന് കേന്ദ്ര വിദേശകാര്യ സഹമന്ത്രി മീനാക്ഷീ ലേഖി. എൻ.ഡി.എ സ്ഥാനാർഥി അനിൽ കെ.ആൻ്റണിയുടെ തെരഞ്ഞെടുപ്പ് പ്രചരണാർഥം പത്തനംതിട്ട പ്രസ്ക്ലബിൽ നടന്ന വാർത്താസമ്മേളനത്തിൽ സംസാരിക്കുകയായിരുന്നു മന്ത്രി.
സി.എ.എ രാജ്യത്തിൻ്റ നിയമമാണെന്നും ചിന്താശേഷിയുള്ള ജനങ്ങളുള്ള രാജ്യമാണിതെന്നും അവർ പറഞ്ഞു. കേരളത്തിൽ ലൗ ജിഹാദ് ഉണ്ടെന്നു പറഞ്ഞത് ബി.ജെ.പി അല്ലെന്നും ഹൈക്കോടതിയാണെന്നും മന്ത്രി കൂട്ടി ചേർത്തു. എൻ.ഡി.എയുടെ പ്രകടന പത്രിക പ്രകാശനവും ചെയ്തു.
