തിരുവല്ല : ട്രാവൻകൂർ ക്ലബ് ഏർപ്പെടുത്തിയിട്ടുള്ള ട്രാവൻകൂർ ശ്രീ പുരസ്കാരം 2024 ശ്രീകുമാരൻ തമ്പിക്ക്. 50001 രൂപയും പ്രശംസ പത്രവും ആണ് അവാർഡായി നൽകുന്നത്
2024 എപ്രിൽ ഇരുപത്തിയൊന്നാം തീയതി ട്രാവൻകൂർ ക്ലബ് ഓഡിറ്റോറിയത്തിൽ നടക്കുന്ന ചടങ്ങിൽ കേരളത്തിൻറെ മുൻ ചീഫ് സെക്രട്ടറി ആർ ജയകുമാർ ഐഎഎസ് പുരസ്കാരം സമർപ്പണം നടത്തും
കഴിഞ്ഞ വർഷം ആരോഗ്യരംഗത്ത് നിന്നും ഡോക്ടർ കെ.എം. ചെറിയാൻ ആയിരുന്നു പുരസ്കാരം നൽകി ആദരിച്ചത്.
ഈ വർഷം സിനിമ സാഹിത്യ മേഖലയിൽ നിന്നായിരുന്നു അവാർഡിനായി തിരഞ്ഞെടുത്തത്. ഒമ്പത് അംഗ ജൂറിയായിരുന്നു അവാർഡ് ജേതാവിനെ തിരഞ്ഞെടുത്തത്. അവാർഡ് നിശക്ക് ശേഷം ശ്രീകുമാരൻ തമ്പി രചിച്ച ഗാനങ്ങളുടെ ഗാനാലാപനം നടക്കും.
200 ഗാനങ്ങൾ എഴുതി ഇന്ത്യ ബുക്ക് ഓഫ് റെക്കോർഡ്സിൽ ഇടം നേടിയ ക്ലബ് മെമ്പർ ഡോ .ബി.ജി. ഗോകുലനേ ചടങ്ങിൽ ആദരിക്കും.
