എടത്വ: ചെട്ടികുളങ്ങര ദേവി ക്ഷേത്രത്തിൽ നടത്തപ്പെടുന്ന ഉപനിഷത്ത് ഗീത മഹാസത്രത്തിന്റെ മുന്നോടിയായി ശനിയാഴ്ച ചെട്ടികുളങ്ങര ഭഗവതിയുടെ മൂലസ്ഥാനമായ കൊടുങ്ങല്ലൂർ ശ്രീകുരുമ്പാകാവിൽ നിന്നും ആരംഭിച്ച ദീപ ഘോഷയാത്രയ്ക്ക് ചക്കുളത്തുകാവ് ക്ഷേത്രത്തിൽ സ്വീകരണം നൽകി.
മുഖ്യ കാര്യദർശി രാധാകൃഷ്ണൻ നമ്പൂതിരി, കാര്യദർശി മണിക്കുട്ടൻ നമ്പൂതിരി, മേൽശാന്തിമാരായ അശോകൻ നമ്പൂതിരി, രഞ്ജിത്ത് ബി. നമ്പൂതിരി, ദുർഗ്ഗാദത്തൻ നമ്പൂതിരി എന്നിവരുടെ നേതൃത്വത്തിലാണ് സ്വീകരണം നൽകിയത്. ഘോഷയാത്ര ഞായറാഴ്ച ചെട്ടികുളങ്ങര ക്ഷേത്രത്തിൽ എത്തിച്ചേരും തുടർന്ന് ശ്രീദേവി വിലാസം ഹിന്ദുമത കൺവെൻഷൻ ട്രസ്റ്റിന്റെ നേതൃത്വത്തിൽ നടക്കുന്ന മഹായജ്ഞത്തിന് തുടക്കമാവും.
15 ദിവസം നീണ്ടുനിൽക്കുന്ന ഉപനിഷത്ത് ഗീത മഹാസവും ഭദ്രകാളി അഷ്ടോത്തര ശതദാമ ദശലക്ഷാർച്ചനയും ജനുവരി 18ന് സമാപിക്കും.
