ചങ്ങനാശ്ശേരി: നാടക കലയുടെ ആവേശം ഉൾകൊണ്ടുകൊണ്ട് ചങ്ങനാശേരിയുടെ മതസൗഹാർദ്ദം പുതിയ തലമുറയിലേക്ക് ഊട്ടിയുറപ്പിക്കുന്നതിനും നിർധനരായ ഭവനരഹിതർക്ക് – ആറാമത്തെ സർഗഭവനം ഒരുക്കുന്നതിനുമായുള്ള സെൻറ് ചാവറ ട്രോഫി – ഇടിമണ്ണിക്കൽ – യവനിക സീസൺ 3 പ്രൊഫഷണൽ നാടകോത്സവത്തിന്റെ മൂന്നാം ദിനത്തിൽ വടകര സങ്കീർത്തനയുടെ ചിറക് എന്ന നാടകം ചെത്തിപ്പുഴ സർഗക്ഷേത്ര അങ്കണത്തിൽ തേവർകാട് പ്രൊഫസർ റ്റി.റ്റി ചാക്കോ നഗറിൽ അവതരിപ്പിക്കപ്പെട്ടു.
ഇ.എസ്.എസ് ഇന്നവേഷൻസ് സർജിക്കൽ കോ. ചങ്ങനാശേരിയുടെ സ്‌പോൺസർഷിപ്പിലാണ് നാടകം അരങ്ങേറിയത്. ചിറകില്ലാതെ ഒരു പക്ഷിക്കുഞ്ഞും ജനിക്കുന്നില്ല എന്ന് പറയുംപോലെ കഴിവൊന്നുമില്ലാതെ ഒരു കുഞ്ഞും ഇവിടെ പിറക്കുന്നില്ല. വൈകല്ല്യങ്ങളെ അവഗണിക്കാതെ അവരെ ചേർത്ത് പിടിച്ച് നമ്മൾ സ്നേഹത്തിന്റെ ഇളം തെന്നലായാൽ മതി അവരും നമ്മോടൊപ്പമോ നമുക്ക് മുന്നിലോ പറന്ന് ഉയർന്നോളും. പ്രദീപ് കുമാർ കാവുംതറയുടെ രചനയിൽ രാജീവൻ മമ്മിളി സംവിധാനം ചെയ്ത കോഴിക്കോട് സങ്കീർത്തനയുടെ ചിറക് എന്ന നാടകം മാനവ സ്നേഹത്തിന്റെ മഹത്തായ സന്ദേശമാണ് പങ്കു വെക്കുന്നത്
നാടകോത്സവത്തിന്റെ പ്രവർത്തനങ്ങൾക്ക് സർഗക്ഷേത്ര സീനിയർ സിറ്റിസൺസ് ഫോറം നേതൃത്വം നൽകി. സീനിയർ സിറ്റിസൺസ് ഫോറം പ്രസിഡന്റും നാടകമത്സര മാനേജിങ് കമ്മിറ്റി ജനറൽ കൺവീനറുമായ ജോസ് ജോസഫ് നടുവിലേഴം ചടങ്ങിന് സ്വാഗതം ആശംസിച്ചു. സീനിയർ സിറ്റിസൺസ് ഫോറം സെക്രട്ടറി എം.റ്റി സെബാസ്റ്റ്യൻ പ്രായോജകരെ പരിചയപ്പെടുത്തി സംസാരിച്ചു. ഇ.എസ്.എസ് ഇന്നവേഷൻസ് സർജിക്കൽ കോ. ചങ്ങനാശേരിയുടെ മാനേജിംഗ് പാർട്ണർ പി.എം സാലിയെ സർഗക്ഷേത്ര ഡയറക്‌ടർ ഫാ. അലക്സ് പ്രായിക്കളം CMI മെമെന്റോ നൽകി അനുമോദിച്ചു. സീനിയർ സിറ്റിസൺസ് ഫോറം വൈസ് പ്രസിഡൻ്റ് പ്രൊഫ. വിജയം ജോസഫ് ചടങ്ങിന് നന്ദി അറിയിക്കുകയും ചെയ്തു.
