പത്തനംതിട്ട : പുതമണ്‍ പുതിയ പാലം, പുതമണ്‍- കുട്ടത്തോട് റോഡ് ഒന്നാം റീച്ച് എന്നിവയുടെ ഉദ്ഘാടനവും വിവിധ ഗ്രാമീണ റോഡുകളുടെ നിര്‍മാണോദ്ഘാടനവും ഇന്ന് വൈകിട്ട് നാലിന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് നിര്‍വഹിക്കും. അഡ്വ. പ്രമോദ് നാരായണ്‍ എംഎല്‍എ അധ്യക്ഷനാകും. ആന്റോ ആന്റണി എം പി മുഖ്യപ്രഭാഷണം നടത്തും.
2.6 കോടി രൂപ ചെലവിലാണ് പുതമണ്‍ പാലം നിര്‍മാണം. ആധുനിക നിലവാരത്തില്‍ ഏഴു കോടി രൂപ ചെലവിലാണ് പുതമണ്‍-കുട്ടത്തോട് റോഡ് നിര്‍മിക്കുന്നത്.ചെറുകോല്‍ ഗ്രാമപഞ്ചായത്തിലെ കുടിലു മുക്ക്- പന്തളത്ത് മുക്ക് റോഡ്, പതിയാന്‍ പടി- ചാങ്ങിയത്ത് പടി റോഡ്, അന്ത്യാളന്‍ കാവ്- കണമുക്ക് റോഡ്, കുഴിമണ്ണില്‍ പടി- കൊന്നയ്ക്കല്‍ റോഡ്, കച്ചേരിപ്പടി- കണമുക്ക് റോഡ് എന്നീ ഗ്രാമീണ റോഡുകളുടെയാണ് നിര്‍മാണോദ്ഘാടനം.
