വാഷിംഗ്‌ടൺ : ഇറാന്‍ അമേരിക്കയ്ക്ക് ‘വിലയേറിയ സമ്മാനം’ സമ്മാനിച്ചുവെന്ന് യു എസ് പ്രസിഡന്റ് ഡൊണാൾഡ് ട്രംപ് .ഹോർമൂസ് കടലിടുക്കുമായി ബന്ധപ്പെട്ടതാണ് സമ്മാനമെന്നും ആണവ വിഷയമല്ല മറിച്ച് എണ്ണ, പ്രകൃതിവാതകം തുടങ്ങിയവയുമായി ബന്ധപ്പെട്ടതാണ് സമ്മാനമെന്നും ട്രംപ് വെളിപ്പെടുത്തി.എന്നാൽ എന്താണ് സമ്മാനം എന്ന് ട്രംപ് വ്യക്തമാക്കിയില്ല.
ഇറാനുമായുള്ള നയതന്ത്ര ചർച്ചകൾ തുടകുകയാണെന്നും കരാറിലെത്താൻ ഇറാൻ നേതാക്കൾ സമ്മതിച്ചെന്നും ട്രംപ് നേരത്തെ പറഞ്ഞിരുന്നു .എന്നാൽ, യു.എസുമായി ഒരു ചർച്ചയും നേരിട്ട് നടത്താനുദ്ദേശിക്കുന്നില്ലെന്നാണ് ഇറാന്റെ ഔദ്യോഗിക നിലപാട്.
