തിരുവനന്തപുരം : നെട്ടയത്ത് സിപിഎം–ബിജെപി സംഘർഷം.കല്ലേറിലും ലാത്തിച്ചാർജിലും 4 ബിജെപി പ്രവർത്തകർക്കും 5 പൊലീസുകാർക്കും പരുക്കേറ്റു.ബിജെപി നേതാവിന്റെ ഭാര്യയെ അസഭ്യം പറയുകയും നഗ്നതാ പ്രദർശനം നടത്തുകയും ചെയ്തെന്ന പരാതിയെ തുടർന്നാണ് സംഘർഷം. സംഭവത്തിൽ വട്ടിയൂർക്കാവ് പൊലീസിൽ കുടുംബം പരാതി നൽകിയിരുന്നു.
സംഭവമറിഞ്ഞ് സ്ഥലത്തെത്തിയ ബിജെപി- സിപിഎം പ്രവർത്തകർ തമ്മിൽ സംഘർഷം ഉണ്ടാകുകയായിരുന്നു .സ്ഥലത്തെത്തിയ പൊലീസിനു നേരെയും കല്ലേറുണ്ടായി. പരാതിയിലുള്ള കോൺഗ്രസ് അനുഭാവിക്ക് പിന്തുണയുമായാണ് സിപിഎം പ്രവർത്തകർ എത്തിയതെന്നും സംഘർഷത്തിനിടെ വട്ടിയൂർക്കാവ് പൊലീസ് ബിജെപി പ്രവർത്തകരെ മാത്രം തിരഞ്ഞ് പിടിച്ച് ലാത്തി കൊണ്ട് മർദ്ദിച്ചുവെന്നും ബിജെപി ആരോപിച്ചു. സംഭവത്തിൽ പ്രതിഷേധിച്ച് വട്ടിയൂർക്കാവ് പൊലീസ് സ്റ്റേഷനിലേക്ക് ബിജെപി പ്രതിഷേധ മാർച്ച് നടത്തി.
