ആലപ്പുഴ : ആലപ്പുഴ ദേശീയപാതയോരത്തെ വീടുകളിൽ വെള്ളം കയറി. വെള്ളക്കെട്ടിൽ പ്രതിഷേധിച്ചു നാട്ടുകാർ ബൈപാസ് ഉപരോധിച്ചു. സമരത്തെ തുടർന്ന് ആലപ്പുഴ ദേശീയ പാതയിൽ ഗതാഗതം സ്തംഭിച്ചു.റോഡിൽ കുത്തിയിരുന്നാണ് നാട്ടുകാർ പ്രതിഷേധിച്ചത് .സംഭവത്തിന് പിന്നാലെ ആലപ്പുഴ എംഎൽഎ എ. ഡി തോമസ് സ്ഥലത്തെത്തി നാട്ടുകാരുമായി ചർച്ച നടത്തി .
തോടുകൾ മൂടി ഓടയും സർവീസ് റോഡും നിർമിച്ച ദേശീയപാത അതോറിറ്റിയുടെ നടപടി മൂലം കക്കൂസ് മാലിന്യമടക്കം വീടുകളിലേക്ക് ഒഴുകിയെത്തുകയാണെന്നും നാട്ടുകാർ പറയുന്നു. കാന നിർമിച്ച് വെള്ളം ഒഴുകിപ്പോകാൻ സൗകര്യം ഒരുക്കണമെന്നാണ് സമരക്കാർ ആവശ്യപ്പെട്ടിരിക്കുന്നത്.രണ്ട് ദിവസത്തിനുള്ളിൽ പ്രശ്നം പരിഹരിക്കുമെന്ന കളക്ടറുടെ ഉറപ്പിൽ നാട്ടുകാർ പ്രതിഷേധം അവസാനിപ്പിച്ചു.
